Kryeministri në detyrë dhe kryetari i Lëvizjes Vetëvendosje, Albin Kurti, ka shkuar në Presidencë, ku pritet të takohet me ushtruesen e detyrës së Presidentes, Albulena Haxhiu.
Para gazetarëve, Kurti tha se është ftuar në takim nga Haxhiu, e cila njëherësh ushtron detyrën e Presidentes dhe është kryetare e Kuvendit.
“Më ka ftuar në takim kryetarja e Kuvendit dhe ushtruesja e detyrës së Presidentes, Albulena Haxhiu dhe aty po shkoj tani”, tha Kurti.
Takimi zhvillohet pasi Lëvizja Vetëvendosje i ka dorëzuar Haxhiut propozimin për mandatimin e Kurtit për formimin e Qeverisë së re.
Propozimi është bërë menjëherë pasi Haxhiu e shpalli Kuvendin të konstituuar, pavarësisht se nuk është zgjedhur ende nënkryetari i Kuvendit nga radhët e PDK-së.
Sinjali – aty ku e vërteta flet para lajmit!
