Liverpooli po monitoron sulmuesin brazilian Rayan, aktualisht pjesë e Bournemouthit, teksa klubi anglez po shqyrton mundësinë e transferimit të tij në kuadër të planifikimeve për vitin 2027.
“Të Kuqtë” po kërkojnë një profil që mund të marrë një rol të rëndësishëm në repartin ofensiv dhe, sipas raportimeve, janë të gatshëm të investojnë më shumë se 100 milionë euro për transferimin e brazilianit.
Edhe pse Liverpooli transferoi Bradley Barcolan gjatë afatit kalimtar të verës së vitit 2026, drejtuesit e klubit vazhdojnë të monitorojnë alternativa për sulmin, me Rayanin që konsiderohet një prej lojtarëve të ndjekur me prioritet.
Braziliani iu bashkua Bournemouthit gjatë afatit kalimtar të dimrit, si zëvendësues i Antoine Semenyos, i cili në të njëjtën periudhë u transferua te Manchester City.
Gjatë muajve të parë nën drejtimin e Andoni Iraolas, Rayan është përshtatur me futbollin anglez dhe ka spikatur për aftësinë për të luajtur si pikë referimi në zonë, por edhe në krahun e djathtë të sulmit.
Liverpooli po planifikon ristrukturimin gradual të repartit ofensiv dhe po vazhdon monitorimin e lojtarëve në Premier League.
Sinjali – aty ku e vërteta flet para lajmit!
