Prokuroria Themelore në Pejë ka hapur rast ndaj këngëtarit Joz Marku, pas publikimit të pamjeve nga përleshja fizike me Edi Kuçin.
Sipas informacioneve të publikuara, organet kompetente kanë kërkuar edhe arrestimin e Markut lidhur me rastin.
Në pamjet që kanë qarkulluar në rrjetet sociale, Marku shihet i shoqëruar nga disa persona, të cilët e rrethojnë Kuçin, ndërsa më pas situata përshkallëzohet në përleshje fizike.
Ende nuk është bërë e ditur se për cilën vepër penale është iniciuar rasti dhe nëse ndaj personave të përfshirë është caktuar ndonjë masë.
Sinjali do t’ju mbajë të informuar për zhvillimet e reja lidhur me rastin.
Sinjali – aty ku e vërteta flet para lajmit!
