Presidenti i Këshillit të Marrëdhënieve Shqiptaro-Amerikane, Martin Vulaj, ka kritikuar vendimin e Kosovës për të refuzuar gazin amerikan, duke e cilësuar atë si një gabim të madh strategjik.
Në emisionin “Info Magazine”, Vulaj tha se ky vendim nuk ndikon vetëm në aspektin energjetik, por edhe në pozicionin e Kosovës si partner strategjik i Shteteve të Bashkuara të Amerikës.
“Është e qartë se Kosova ka bërë një gabim, në mendimin tim të madh, në refuzimin e gazit amerikan, jo vetëm thjesht për atë që do të thotë kjo për Kosovën, por për rolin e Kosovës si partner strategjik”, tha Vulaj.
