Qeveria e Kosovës nesër në mbledhje pritet të shqyrtojë Nismën për lidhjen e Marrëveshjes Kornizë për bashkëpunim në fushën e Mbrojtjes ndërmjet Republikës së Kosovës dhe Shteteve të Bashkuara të Amerikës, të përfaqësuar nga Departamenti i Mbrojtjes.
Në janar të këtij viti, Ministri i Mbrojtjes, Ejup Maqedonci, pas pritjes që i ishte bërë në Departamentin e Mbrojtjes së Shteteve të Bashkuara, kishte bërë të ditur se është diskutuar për realizimin e marrëveshjes kornizë në fushën e mbrojtjes.
Në njoftim theksohej se kjo marrëveshje do të hapë mundësi të reja në fushën e sigurisë dhe mbrojtjes.
Në mbledhjen e nesërme Qeveria pritet të marrë vendim edhe për disa shpronësime, shkruan Indeksonline transmeton Klankosova.tv
Nesër pritet të shqyrtohet edhe nisma për lidhjen e Marrëveshjes së Përgjithshme të Sigurisë ndërmjet Republikës së Kosovës dhe Republikës së Sllovenisë, për Shkëmbim dhe Mbrojtje të Ndërsjellë të Informacionit të Klasifikuar.
The post Kosova dhe ShBA me marrëveshje kornizë në fushën e mbrojtjes appeared first on Klan Kosova.
