Kongresisti republikan amerikan, Joe Wilson, ka akuzuar presidentin e Serbisë, Aleksandar Vuçiq, se po përpiqet të vazhdojë pushtetin e tij duke kaluar nga posti i presidentit në atë të kryeministrit.
Përmes një reagimi në platformën “X”, Wilson e cilësoi qeverisjen e Vuçiqit si “autoritare dhe të korruptuar”, ndërsa përpjekjen e tij e krahasoi me mënyrën se si Vladimir Putin kishte ndërruar postet drejtuese në Rusi.
“Vuçiqi po përpiqet të kalojë nga president në kryeministër, në mënyrë që të vazhdojë sundimin e tij autoritar dhe të korruptuar mbi Serbinë edhe për shumë vite të tjera – pikërisht këtë bëri edhe krimineli i luftës, Putini”, shkroi Wilson.
Kongresisti amerikan theksoi se qytetarët e Serbisë meritojnë zgjedhje të lira dhe të drejta.
Vucic is trying to go from President to Prime Minister to sustain his corrupt authoritarian rule of Serbia for many more years – this is EXACTLY what war criminal Putin did! Serbians deserve free and fair elections.
— Joe Wilson (@RepJoeWilson) September 5, 2026
Sinjali – aty ku e vërteta flet para lajmit!
