Është konfirmuar prania e mbetjeve mortore edhe në lokacionin e tretë të dyshuar për varrezë masive në komunën e Zubin Potokut.
Kjo u bë e ditur në një komunikatë të përbashkët për media mes Prokurorisë Speciale dhe Policisë së Kosovës.
“Në këtë lokacion janë duke u zhvilluar ekzaminimet dhe procedurat e nevojshme hetimore, në koordinim të plotë ndërmjet Prokurorisë Speciale dhe Policisë së Kosovës, dhe institucioneve të tjera kompetente, me qëllim zbardhjen e të gjitha rrethanave”, u tha në komunikatën e përbashkët mes PSRK-së dhe PK-së.
Këto dy institucione thonë se mbeten të përkushtuara për zbardhjen e plotë të këtij rasti, duke ndërmarrë të gjitha veprimet e nevojshme hetimore në përputhje me ligjin dhe në koordinim të ngushtë ndërinstitucional. /Klankosova.tv
