Shefja e politikës së jashtme të BE-së ka përshkruar sulmet e rinisura ndaj shteteve të Gjirit si “të papranueshme” gjatë një telefonate me homologun e saj iranian, Abbas Araghchi.
Në një postim në platformën X, Kaja Kallas ka thënë se “sulmet e rinisura ndaj vendeve të Gjirit dhe infrastrukturës së tyre kritike janë të papranueshme”.
“Akt kthimi në luftë të plotë do të kishte një kosto të jashtëzakonshme për gjithë rajonin. Rruga diplomatike mbetet mënyra më e mirë për të dalë nga kjo luftë”, ka shtuar ajo.
Më herët, Araghchi tha se ka dënuar “agresionin” e SHBA-së gjatë telefonatës me Kallas, e cila u zhvillua këtë mëngjes.
Ai tha se i ka bërë të ditur Kallas se sulmet e fundit amerikane përbëjnë “shkelje të së drejtës ndërkombëtare” dhe e kanë bërë armëpushimin “joefektiv”.
Sinjali – aty ku e vërteta flet para lajmit!
