Tensionet ndërmjet Shteteve të Bashkuara dhe Iranit janë përshkallëzuar sërish, pas rreth një muaji qetësie relative.
Presidenti amerikan, Donald Trump, ka rikthyer vëmendjen te ishulli Kharg, i cili konsiderohet pika kryesore e eksporteve të naftës iraniane.
Trump publikoi në platformën Truth Social një video të krijuar me inteligjencë artificiale, në të cilën ishulli paraqitet duke u bombarduar.
“Ishulli Kharg hidhet në erë”, shkroi presidenti amerikan krahas videos.
Sipas palës amerikane, pjesëtarë të Gardës Revolucionare iraniane ishin zbuluar duke u përgatitur për lëshimin e raketave të pajisura me mina detare në drejtim të Ngushticës së Hormuzit.
Garda Revolucionare e Iranit deklaroi se sulmet amerikane kanë shkaktuar viktima dhe të plagosur, por nuk publikoi të dhëna për numrin e tyre.
Sinjali – aty ku e vërteta flet para lajmit!
