Ish-futbollisti i Kombëtares së Zvicrës, Benjamin Huggel, ka dalë në mbrojtje të Granit Xhakës pas polemikave të fundit lidhur me certifikatën e vaksinimit ndaj COVID-19.
Huggel ka thënë se Xhaka duhet të vazhdojë të jetë kapiten i Zvicrës, për sa kohë që çështja nuk sjell pasoja të tjera juridike apo sportive.
“Kapiteni caktohet nga skuadra dhe trajneri, jo nga opinioni publik. Nëse Murat Yakin dhe këshilli i skuadrës arrijnë në përfundimin se Xhaka duhet të vazhdojë të jetë kapiten, nuk shoh asgjë që ta pengojë këtë”, ka deklaruar Huggel për “Neue Zürcher Zeitung”.
Ai ka shtuar se çështja e certifikatës së vaksinimit nuk duhet të ndikojë në mënyrën se si Xhaka e udhëheq ekipin në fushë.
Sinjali – aty ku e vërteta flet para lajmit!
