Formimi i institucioneve të reja ishte një nga temat që u diskutua me deputeten e zgjedhur të Partisë Demokratike të Kosovës Eliza Hoxha, në emisionin DPT te Fidani në Klan Kosova.
“Para se me folë për tema, unë po du me thonë që uroj që ka me pasë vullnet politik me u bo institucionet”, tha ajo.
Hoxha përmendi edhe temat që do t’i ngrisë gjatë mandatit si e zgjedhur e popullit.
“Një nga temat mundet me qenë edhe kjo, shqetësimi që lidhet me krejt këtë çka po ndodh, me profilet falso edhe qikjo ideja me këtë platformën e Inteligjencës Artificiale e cila duhet me u integru në Ligjet e Kosovës”, theksoi ajo.
