Prokuroria Themelore në Pejë ka ngritur aktakuzë ndaj të pandehurit me inicialet K.M., për veprën penale “vrasje e rëndë e mbetur në tentativë”.
Sipas aktakuzës, rasti ka ndodhur më 5 shkurt 2026 në fshatin Isniq të Deçanit, ku i dyshuari, pas një mosmarrëveshjeje verbale me babain e tij, dyshohet se e ka sulmuar atë me sëpatë, duke i shkaktuar lëndime në dorë dhe në kokë.
Prokuroria ka bërë të ditur se i pandehuri ka vepruar në gjendje të aftësisë esencialisht të zvogëluar, ndërsa me këto veprime dyshohet se ka përmbushur elementet e veprës penale.
Me rastin e ngritjes së aktakuzës, prokurori i ka propozuar gjykatës që i pandehuri të shpallet fajtor dhe të dënohet sipas ligjit.
Sinjali – aty ku e vërteta flet para lajmit!
