Shefi i Shtabit të misionit të KFOR-it të udhëhequr nga NATO, gjeneral brigade Chad Daniels, ka vizituar pjesëtarët e KFOR-it që veprojnë në Mitrovicë, ku nga afër ka parë angazhimin e vazhdueshëm të Njësisë së Specializuar Shumëkombëshe (MSU) dhe Ekipeve për Ndërlidhje dhe Monitorim (LMT) në mbështetje të misionit të KFOR-it në Mitrovicë dhe në veri të Kosovës.
Daniels ka thënë se pjesëtarët e MSU-së kontribuojnë në sigurimin e një pranie të dukshme dhe të lëvizshme të KFOR-it në terren, si dhe në ruajtjen e gatishmërisë së tij.
Ndërkohë, Ekipet për Ndërlidhje dhe Monitorim mbajnë kontakte të rregullta me të gjitha komunitetet lokale, duke ndihmuar KFOR-in në krijimin e një pasqyre më të qartë mbi situatën dhe mjedisin e sigurisë.
“Ajo që kam parë nga pjesëtarët tanë tregon se si KFOR-i po përshtat qëndrimin e tij, duke ruajtur njëkohësisht kapacitetet më të rëndësishme: praninë e dukshme, ndërgjegjësimin e fortë për situatën, angazhimin me të gjitha komunitetet lokale dhe forcat e gatshme për të reaguar kur është e nevojshme, në përputhje me mandatin tonë të kahershëm të OKB-së”, ka deklaruar ai.
Sinjali – aty ku e vërteta flet para lajmit!
