Faton Peci, kryetar i Komunës së Mitrovicës së Jugut, në emisionin “DPT te Fidani”, tha se kush fiton 41 deputetë nuk mund të bëhet president pa liderin e asaj partie, duke përmendur Albin Kurtin.
Ai shtoi se fushata duhet të fokusohet në programe dhe jo në gjuhë të ashpër politike.
“Kushdo që i fiton 41 deputetë më 7 qershor, nuk ka president pa atë lider të asaj partie politike. E ai lider është Albin Kurti, që në asnjë variant s’mundet me ra nën 41 deputetë. Prandaj këshilla jem është bëni fushatën, shpalosni program”.
“Këshilla jem është mos i jepni zor shumë, jo në aspektin e të bërit fushatë, por mos ta kontaminojmë gjuhën politike se nuk i ndihmojmë Kosovën”, tha Peci.
