Një person i kërkuar nga drejtësia është arrestuar në Prishtinë gjatë patrullimit policor, mëson Sinjali.
Ngjarja ka ndodhur më 30 prill 2026, rreth orës 19:00, në Parkun e Qytetit, ku njësia policore ka ndaluar për kontroll dhe verifikim personin Shefqet Pacolli (46-vjeçar).
Pas verifikimit në bazat e të dhënave, ka rezultuar se ndaj tij ishte aktive një urdhëresë për kërkim dhe arrestim.
Në vendngjarje është kërkuar asistencë shtesë dhe i njëjti është shoqëruar në Stacionin Policor “Qendra” për procedura të mëtejshme.
Sipas të dhënave, Pacolli kërkohej për vuatje dënimi për veprat penale “Kanosja” dhe “Mbajtje në pronësi, kontroll dhe posedim i paautorizuar i armëve”.
Me përfundimin e procedurave, ai është dërguar në Qendrën e Paraburgimit në Hajvali rreth orës 20:30, për vuajtje të dënimit të caktuar.
Rasti është realizuar në bazë të urdhëresës për kërkim, ndalim dhe arrestim.
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.
Sinjali – aty ku e vërteta flet para lajmit!
