Sinjali ka raportuar ekskluzivisht për një rast të sulmit ndaj një inspektori komunal gjatë kryerjes së detyrës zyrtare në Gjakovë.
Sinjali merr vesh se i dyshuar në këtë rast është Driton Xerxa rreth 49-vjeçar, i cili tashmë është ndaluar nga Policia.
Sipas burimeve, incidenti ka ndodhur më 15 maj 2026 rreth orës 11:00 në rrugën “Ali Pashë Tepelena”, kur inspektorët e shërbimeve publike kishin dalë për një kontroll rutinë në një dyqan.
Sinjali mëson se posa zyrtarët kishin ndaluar pranë lokalit, aty kishte arritur edhe i dyshuari, i cili dyshohet se ka sulmuar inspektorin duke e shtyrë me duar në gjoks dhe duke e përplasur për veturën zyrtare.
Sipas burimeve, viktima nuk ka pësuar lëndime trupore dhe nuk ka kërkuar trajtim mjekësor.
I dyshuari është arrestuar nga Policia dhe pas intervistimit, me urdhër të Prokurorit kujdestar, është ndaluar për 48 orë.
Rasti është iniciuar si “Sulm ndaj personit zyrtar”.
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.
Sinjali – aty ku e vërteta flet para lajmit!
