Policia e Kosovës ka arrestuar personin e dyshuar për zjarrvënien e ndodhur në fshatin Rubovc i Madh të Lipjanit, ku u tentua t’i vihej flaka një veture të parkuar në oborrin e një shtëpie, raporton Sinjali.
Burimet e Sinjalit bëjnë të ditur se bëhet fjalë për Fatlum Vishesellën (26 vjeç) nga fshati Rufc i Ri.
Rasti kishte ndodhur në orët e para të mëngjesit të 3 korrikut, kur, sipas kallëzimit të familjes Slavkovic, një person kishte hedhur një shishe qelqi me benzinë mbi veturën Opel Zafira me targa NI-331-OA, e cila ndodhej e parkuar në oborr.
Pronari i shtëpisë kishte arritur ta vërente menjëherë zjarrin dhe ta fikte, duke parandaluar dëme më të mëdha.
Pas ekzaminimit të vendit të ngjarjes dhe veprimeve intensive hetimore, hetuesit e Stacionit Policor në Lipjan kanë arritur ta identifikojnë autorin e dyshuar.
Më 4 korrik, Fatlum Vishesella është arrestuar dhe, pas intervistimit, me urdhër të Prokurorit të Shtetit, ndaj tij është caktuar masa e ndalimit prej 48 orësh.
Rasti po hetohet si “Zjarrvënie”
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.
Sinjali – aty ku e vërteta flet para lajmit!
