Dy shtëpi u bënë cak i hajdutëve në fshatin Gjonaj të Prizrenit.
Siç raporton gazetari korrespodent i “Ora Shtatë”, Nuhi Salihu, hajnat vodhën stoli ari, para të gatshme dhe sende të tjera me vlerë, transmeton Klankosova.tv.
“Njëri nga bashkatdhetarët, i cili jeton dhe vepron në Bosnje dhe Hercegovinë, ka njoftuar për rastin përmes një reagimi publik. Ai ka bërë të ditur se hajdutët kanë depërtuar në shtëpinë e vëllait të tij, nga ku kanë marrë stoli ari dhe mbi 10 mijë euro para të gatshme. Sipas tij, në të njëjtën kohë është vjedhur një shtëpi tjetër”, tha Salihu në Klan Kosova.
