Këngëtarja e njohur Elvana Gjata ka ndarë një nga rrëfimet më personale të karrierës së saj, duke folur hapur për jetën private, sakrificat e famës dhe dëshirën për t’u bërë nënë.
Në një intervistë emocionale, artistja tregoi se angazhimi intensiv në muzikë i ka marrë shumë kohë nga familja dhe njerëzit më të afërt, duke e cilësuar këtë si “faturën më të shtrenjtë” të suksesit.
Ajo u shpreh se, pavarësisht dashurisë së madhe për profesionin, mungesa pranë familjes mbetet një dhimbje që e ndjen vazhdimisht.
“Do të doja të kaloja më shumë kohë me njerëzit e mi më të dashur, por puna që bëj kërkon shumë energji dhe kohë”, tha këngëtarja.
Elvana Gjata foli edhe për periudhat e vështira emocionale, duke treguar se ka zgjedhur t’i përballojë vetë sfidat e jetës, pa ndihmë profesionale apo mjete të tjera, ndërsa muzikën e konsideron mënyrën më të sinqertë për të shprehur emocionet dhe dhimbjen.
Artistja u ndal edhe te përvoja në Festivalin e Këngës, duke pranuar se kritikat dhe pritshmëritë e larta pas projekteve “Të tana” dhe “Karnavalet” kanë qenë mësime të rëndësishme për të.
Në fund të intervistës, ajo ndau një dëshirë shumë personale që ka filluar ta mendojë më shpesh kohët e fundit — të bëhet nënë.
“Gjithmonë kam dashur të kem fëmijë. Do të doja shumë të kisha një ‘Elvanë’ të vogël ose një djalë që të kujdesej për mua njësoj siç kujdesem unë për prindërit e mi”, u shpreh ajo.
Sinjali – aty ku e vërteta flet para lajmit!
