Pas dasmës madhështore në Itali që ka pushtuar mediat dhe rrjetet sociale me pamje nga ceremonia, Dua Lipa ka ndarë më në fund albumin e saj zyrtar. Këngëtarja ka publikuar në profilin e saj në Instagram fotot e dasmës me Callum Turner, të shoqëruara me mbishkrimin e thjeshtë: “Mr & Mrs”.
Ndonëse publiku e kishte ndjekur këtë ngjarje përmes pamjeve që kanë qarkulluar në media, ky album personal sjell fotografitë më të bukura të çiftit. Imazhet e përzgjedhura nga artistja shfaqin elegancën dhe lumturinë e tyre në ambientet përrallore italiane, duke plotësuar kështu mozaikun e një prej dasmave më të përfolura.
Në njërën prej fotove, dyshja shfaqet në një moment shumë të afërt dhe romantik nën vello, ku dallohen detajet e stilit të Duas. Ndërsa në një imazh tjetër, ata shihen duke kërcyer dhe festuar përpara një dritareje të madhe karakteristike, duke treguar fustanin e nusërisë të dekoruar me pupla në fund.
Sinjali – aty ku e vërteta flet para lajmit!
