Një rast tjetër shqetësues që përfshin të mitur dhe substanca narkotike është evidentuar në Gjakovë.
Siç mëson ekskluzivisht Sinjali, ngjarja ka ndodhur më 24 mars rreth orës 16:30 në rrugën “Yll Morina”, ku hetuesit e njësisë kundër narkotikëve (DHTN) kanë ndaluar një të mitur, E.Z. rreth 17 vjeç.
Gjatë kontrollit, tek ai është gjetur substancë e dyshuar narkotike e llojit marihuanë, e cila pas peshimit ka rezultuar me peshë prej 7 gramë.
Substanca është sekuestruar në cilësinë e provës materiale, ndërsa i mituri është shoqëruar në zyrat e DHTN-së për procedura të mëtejshme.
Me udhëzim të Prokurorit të Shtetit, rasti është iniciuar si “Posedim i paautorizuar i narkotikëve”, ndërsa i mituri është liruar në procedurë të rregullt.
Sinjali – aty ku e vërteta flet para lajmit!
