Çmimet e derivateve kanë shënuar një rritje ditëve të fundit në Kosovë.
Sipas kryetarit të Shoqatës së Naftëtarëve, Fadil Berjani, këto rritje janë më të ulëta në rajon, njofton Klankosova.tv.
Aktualisht, çmimi i naftës varion nga 1.25 deri në 1.32 euro për litër, ndërsa benzina shitet nga 1.27 deri në 1.31 euro për litër, ne i kemi çmimet më të ulëta në rajon”.
Në Shqipëri, një litër naftë kushton 1.90 euro, ndërsa benzina është 1.82 euro”, tha ai, në emisonin “Ora Shtatë” në Klan Kosova.
Sa i përket arsyeve të rritjes, Berjani sqaroi se nuk ka pasur ndikime politike apo ekonomike në nivel lokal.
Sipas tij, shkaku kryesor është reduktimi i prodhimit nga Organizata e Vendeve Eksportuese të Naftës (OPEC).
“Kur prodhimi reduktohet, çmimet automatikisht rriten, dhe kjo po reflekton edhe në Kosovë, megjithëse në nivele të lehta”, shtoi ai./Klankosova.tv.
Për më shumë detaje, ndiqeni intervisten e plotë:
*Klikoni KËTU për t´u bërë pjesë e kanalit zyrtar të Klan Kosovës në Viber.
*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
<!–
–>
