Fansat e serialit të njohur turk “Esref Ruya” do të kenë mundësinë të rikthehen te historia e personazhit kryesor, Esrefit.
Aktori Çagatay Ulusoy do të rikthehet në rolin e Esrefit në projektin e ri digjital “Esref Tek”, i cili do të fokusohet në të kaluarën e personazhit dhe do të sjellë një tjetër pjesë të historisë së tij.
Sipas gazetares turke Birsen Altuntaş, xhirimet e projektit pritet të nisin më 1 nëntor, ndërsa sezoni i ri do të përbëhet nga tetë episode.
Projekti i ri pritet të sjellë më shumë detaje për të kaluarën e Esrefit dhe ngjarjet që kanë formësuar personazhin e njohur.
Në kastin e projektit të ri do të rikthehet edhe Görkem Sevindik, i cili do të reprizojë rolin e Kadirit.
Ngjarjet do të zhvillohen në të kaluarën, duke u fokusuar te marrëdhënia mes Esrefit dhe Kadirit dhe rrugëtimi i tyre në botën e krimit.
Sinjali – aty ku e vërteta flet para lajmit!
