Autoritetet kolumbiane kanë arrestuar në Aeroportin Ndërkombëtar El Dorado një shtetas nga Kosova, i identifikuar si Arian Lluka, i cili kërkohej nga institucionet kosovare për veprat penale “vrasje e rëndë” dhe “shkaktim i rrezikut të përgjithshëm”.
Arrestimi u bë i ditur nga ministri i Mbrojtjes i Kolumbisë, Pedro Arnuflo Sanchez, i cili theksoi se i dyshuari kishte përdorur identitete të rreme për t’iu shmangur drejtësisë ndërkombëtare, transmeton Klankosova.tv.
Sipas ministrit kolumbian, hetimet kanë zbuluar se Lluka, gjatë periudhës 2023-2026, kishte lëvizur në disa shtete duke përdorur dokumente legjitime me një identitet alternativ serb. Autoritetet dyshojnë se kjo është bërë me qëllim shmangien e kontrolleve kufitare dhe fshehjen nga organet e rendit.
“Hetimet tregojnë se midis viteve 2023 dhe 2026, ai lëvizi nëpër vende të ndryshme duke përdorur dokumentacion legjitim nën një identitet alternativ serb, duke u përpjekur t’i shmanget kontrolleve ndërkombëtare dhe veprimit të drejtësisë”, ka deklaruar Sanchez.
Ai ka vlerësuar bashkëpunimin ndërkombëtar dhe punën e autoriteteve kolumbiane në këtë operacion, duke theksuar se arrestimi dëshmon kapacitetin e Kolumbisë për të përballuar kërcënimet globale dhe për të garantuar sigurinë.
“Ky rezultat tregon se Kolumbia ruan aftësi efektive për bashkëpunim ndërkombëtar dhe kontroll të migracionit përballë kërcënimeve globale”, ka shkruar ministri kolumbian.
Arian Lluka kërkohej për vrasjen e Fidan Shabit në vitin 2012 në Pejë.
𝐑𝐄𝐓𝐄𝐍𝐈𝐃𝐎 𝐎𝐁𝐉𝐄𝐓𝐈𝐕𝐎 𝐃𝐄 𝐀𝐋𝐓𝐎 𝐕𝐀𝐋𝐎𝐑 𝐁𝐔𝐒𝐂𝐀𝐃𝐎 𝐏𝐎𝐑 𝐈𝐍𝐓𝐄𝐑𝐏𝐎𝐋
En el Aeropuerto Internacional El Dorado, nuestra @PoliciaColombia realizó la retención por Notificación Roja de INTERPOL del ciudadano kosovar Arian Lluka, requerido por las… pic.twitter.com/w09n98ullT
— Pedro Arnulfo Sanchez S. Orgullosamente Colombiano (@PedroSanchezCol) May 12, 2026
