Andrea Pirlo do të jetë trajneri i ri i Kombëtares së Italisë, sipas gazetarit të njohur të futbollit, Fabrizio Romano.
Ish-mesfushori legjendar italian pritet të zëvendësojë në këtë post ish-shokun e tij të skuadrës, Gennaro Gattuso, i cili nuk arriti ta rikthejë Italinë në Kupën e Botës, duke vazhduar serinë prej tri mungesash radhazi në këtë garë.
“Andrea Pirlo e pranon propozimin verbal dhe së shpejti do të bëhet trajneri i ri i Italisë. Pirlo i ka thënë ‘po’ projektit afatgjatë të prezantuar nga Paolo Maldini dhe Leonardo. Ai do ta nënshkruajë kontratën së shpejti, në pritje të hapave zyrtarë”, ka shkruar Romano.
Pirlo, i cili ka fituar Kupën e Botës si lojtar me Italinë në vitin 2006, tashmë do të synojë të udhëheqë “Azzurrët” nga stoli.
Sinjali – aty ku e vërteta flet para lajmit!
