Deputeti i PDK-së, Uran Ismaili, ka reaguar për situatën e krijuar gjatë protestës pranë Kuvendit të Kosovës.
Në një deklaratë për Klan Kosovën, Ismaili u ka bërë thirrje pjesëtarëve të Policisë së Kosovës që, sipas tij, të mos zbatojnë urdhra që mund të çojnë në përshkallëzimin e situatës.
“Do t’i kisha lutur të gjithëve, po më së shumti policëve të Kosovës, që të mos bien në urdhrat e Qeverisë, e cila po kërkon që ta eskalojë situatën”, ka deklaruar Ismaili për Klan Kosovën.
Deputeti i PDK-së ka pretenduar se zhvillimet e fundit janë të nxitura nga një urdhër politik i kryeministrit Albin Kurti.
“T’i ruajnë qytetarët, shumica e madhe e tyre po protestojnë në mënyrë të qetë dhe të mos provojnë situatën. Ky po shihet që është një urdhër politik i z. Kurti që ta eskalojë situatën”, është shprehur Ismaili
Sinjali – aty ku e vërteta flet para lajmit!
