Tensionet kanë shpërthyer në ditën e 13-të të protestës për Zvërnecin në Tiranë, ku sipas raportimeve të mediave në Shqipëri janë regjistruar përplasje mes protestuesve dhe mbështetësve të Partisë Socialiste.
Në vendin e ngjarjes ka ndërhyrë edhe Policia për të qetësuar situatën dhe për të shmangur përshkallëzimin e mëtejmë të tensioneve.
Protestat për Zvërnecin kanë nisur si kundërshtim ndaj projektit për ndërtimin e një resorti turistik në zonën e mbrojtur të Zvërnecit dhe Lagunës së Nartës, në rrethin e Vlorës.
Protestuesit dhe aktivistët mjedisorë argumentojnë se projekti rrezikon ekosistemin e zonës, biodiversitetin dhe qasjen publike në bregdet, duke kërkuar anulimin e tij dhe mbrojtjen e një prej zonave më të rëndësishme natyrore në Shqipëri.
Sinjali – aty ku e vërteta flet para lajmit!
