Katër persona janë pranuar me plagë të rënda në Qendrën Klinike Universitare të Kosovës, pas të shtënave me armë që ndodhën pasditen e së enjtes në Podujevë.
Lajmin për Gazetën Sinjali e ka konfirmuar drejtori i Klinikës Emergjente në QKUK, Naser Syla.
“Janë pranuar katër persona me plagë të rënda. Mosha është mesatare. Janë duke u kryer ekzaminimet e nevojshme. Gjendja është stabile për momentin”, ka deklaruar Syla për Sinjalin.
Më herët, Policia e Kosovës kishte njoftuar se nga informacionet e para dyshohej për tre persona të plagosur, ndërsa të lënduarit ishin dërguar në QKUK për trajtim mjekësor.
Rrethanat e ngjarjes ende nuk janë sqaruar plotësisht dhe hetimet po vazhdojnë nga njësitet policore.
Sinjali – aty ku e vërteta flet para lajmit!
