Një 60-vjeçar është sulmuar me sende të forta në zonën e Lungomares në Vlorë, duke pësuar lëndime të rënda në kokë.
Sipas raportimeve, ngjarja ka ndodhur mbrëmjen e së shtunës në bypass-in e Lungomares, në brendësi të një kompleksi pallatesh.
Viktima, i identifikuar me inicialet I.K., është transportuar fillimisht në spitalin e Vlorës, ku është konstatuar se ka pësuar dëmtim në kokë.
Për shkak të gjendjes shëndetësore, ai është dërguar drejt Tiranës për trajtim më të specializuar.
Ndërkohë, policia ka nisur hetimet për identifikimin e autorëve dhe zbardhjen e plotë të rrethanave të ngjarjes.
Sinjali – aty ku e vërteta flet para lajmit!
