Punën e nisën si çdo ditë tjetër.
Mirëpo në këtë të premte gjithçka në këtë vendpunishte të një qendër tregtare në Veternik u ndalë shumë më herët, ngase një punëtor i ndërtimit ra nga lartësia dhe mbeti i vdekur.
Stafi mjekësor i urgjencës ftoi policinë dhe mjekësinë ligjore për rastin.
Pos organeve të rendit, në vendin e ngjarjes erdhën e inspektorët nga Inspektorati i punës.
Këta të fundit nuk dhanë ndonjë version fillestar të rrethanave për vdekjen e punonjësit rumun në vendin e punës, meqë sipas tyre duhet pritur raportin nga ekzaminimet në terren.
Sikurse, policia në koordinim me inspektorët e punës dhe prokurorinë kanë nisur hetimin e rrethanave që karakterizojnë rastin.
Televizioni mëson se kompania e angazhuar nuk ishte vendase dhe ishte e kontraktuar nga një brend ndërkombëtar që operon edhe në Kosovë.
The post Rasti tragjik: Vdes rumuni, bie nga skela te Albi Mall (VIDEO) appeared first on Klan Kosova.
