Policia Rajonale e Ferizajt ka ashpërsuar kontrollet në komunikacionin rrugor, duke goditur një numër të madh shkeljesh që rrezikojnë sigurinë në trafik gjatë javës së kaluar.
Sipas të dhënave të policisë, në periudhën 15-21 qershor janë shqiptuar gjithsej 389 gjoba për kundërvajtje të ndryshme që cenojnë sigurinë në rrugë.
Prej tyre, 331 gjoba janë shqiptuar për tejkalim të shpejtësisë së lejuar, ndërsa 58 për përdorim të telefonit mobil gjatë ngasjes së automjetit.
Përveç gjobave, policia ka ndërmarrë edhe masa më të ashpra ndaj shkelësve të rregullave të trafikut. Si rezultat i kundërvajtjeve të rënda, janë konfiskuar 10 automjete, si dhe 25 skuterë dhe motoçikleta.
Sinjali – aty ku e vërteta flet para lajmit!
