Zëdhënësi i KQZ-së, Valmir Elezi, ka thënë se numërimi i votave të kandidatëve për deputetë deri tani është bërë në 18 komuna.
Për Klankosova.tv, ai ka thënë se deri tani kanë numëruar 114 vendvotime.
“Ju njoftoj se nga të dhënat që kemi pranuar nga Qendrat Komunale të Numërimit në 18 komuna (4 prej të cilave filluan numërimin më 11 shkurt dhe 14 të tjera pasditen e 12 shkurtit) deri më tani janë numëruar 114 vendvotime”.
“Gjatë ditës, do të kemi të dhëna tjera për numrin e vendvotimeve që do të numërohen dhe për qendrat tjera që do të fillojnë procesin e numërimit të votave të kandidatëve dhe verifikimin e votave të subjekteve politike nga formularët të cilët janë plotësuar në vendvotime pas numërimit të votave për subjektet politike”, ka thënë ai për Klankosova.tv.
*Klikoni KËTU për t´u bërë pjesë e kanalit zyrtar të Klan Kosovës në Viber.
*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
<!–
–>
