Në sheshin e Mitrovicës së Veriut janë vendosur shtëpizat dimërore, të cilat do të qëndrojnë deri më 20 janar.
Mbrëmë, një performancë e gjallë muzikore, ku u interpretuan këngë rock dhe të tjera në gjuhën shqipe dhe angleze, ka ngjallur reagime të ndryshme.
Ndër këngët e interpretuara ishte edhe “Shqipëria ime”, e cila ka shkaktuar polemika në mesin e qytetarëve, njofton Klankosova.tv.
Disa e kanë cilësuar si provokim, duke argumentuar se këngët shqipe nuk përshtaten në një zonë që shpesh perceptohet si delikate për shkak të tensioneve.
Megjithatë, ka pasur edhe të tjerë që e kanë konsideruar një moment unik dhe jo domosdoshmërisht një provokim.
Pavarësisht reagimeve, atmosfera përgjithësisht ka qenë pozitive, edhe pse pjesëmarrja e qytetarëve serbë ka qenë e kufizuar.
Në lidhje me këtë, gazetari Urall Boshnjaku ka folur në emisionin “Ora 7” në Klan Kosova, ndiqeni për të kuptuar më shumë nga atmosfera e djeshme.
*Klikoni KËTU për t´u bërë pjesë e kanalit zyrtar të Klan Kosovës në Viber.
*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
<!–
–>
