Kanadaja ka përkujtuar viktimat e gjenocidit të Srebrenicës, duke bërë thirrje për vazhdimin e përpjekjeve për drejtësi, pajtim dhe paqe të qëndrueshme.
Në një deklaratë të Global Affairs Canada thuhet se Ottawa “reflekton dhe kujton gjenocidin e Srebrenicës”, ku në vitin 1995 u vranë më shumë se 8 mijë boshnjakë, ndërsa mbi 20 mijë të tjerë u dëbuan me forcë nga shtëpitë e tyre nga forcat serbe në Srebrenicë.
“Në këtë ditë solemne, Kanadaja kujton viktimat dhe njeh ndikimin e thellë dhe të qëndrueshëm që ky gjenocid ka pasur tek të mbijetuarit dhe familjet e tyre, ndërsa ata vazhdojnë të shërohen”, thuhet në deklaratë, shkruan Anadolu.
Kanadaja ka theksuar gjithashtu rëndësinë e angazhimit të vazhdueshëm për drejtësi, pajtim dhe ndërtimin e një paqeje të qëndrueshme në Bosnje dhe Hercegovinë.
Sinjali – aty ku e vërteta flet para lajmit!
