Një ngjarje e rëndë është regjistruar në fshatin Sheqeras të Maliqit, ku një grua 55-vjeçare është gjetur pa shenja jete brenda banesës së saj.
Sipas informacioneve paraprake, viktima dyshohet se kishte ndërruar jetë disa ditë më parë, ndërsa trupi i saj u zbulua nga vajza, e cila kishte shkuar për ta vizituar dhe më pas njoftoi menjëherë autoritetet.
Burime nga zona bëjnë të ditur se 55-vjeçarja jetonte me djalin e saj, i cili ndodhej jashtë vendit për punë sezonale, ndërsa pjesa tjetër e familjes jeton në qytete të tjera dhe jashtë Shqipërisë.
Pas marrjes së njoftimit, në vendngjarje kanë dalë forcat e policisë dhe grupi hetimor, të cilët kanë nisur procedurat për zbardhjen e plotë të rrethanave të rastit.
Shkaqet e vdekjes nuk janë bërë ende të ditura, ndërsa autoritetet po presin rezultatet e ekzaminimeve për të përcaktuar nëse bëhet fjalë për vdekje natyrale apo për ndonjë rrethanë tjetër.
Sinjali – aty ku e vërteta flet para lajmit!
