Një 34-vjeçar është gjetur pa shenja jete në fshatin Dërmjak të komunës së Ferizajt, në vendin e quajtur Skollovac, mes fshatrave Dimcë dhe Dërmjak.
Lajmin për Sinjalin e ka konfirmuar zëdhënësi i Policisë së Kosovës për rajonin e Ferizajt, Kanun Veseli.
Sipas Veselit, rasti është raportuar nga një dëshmitar, i cili ka njoftuar se dyshohet se një person ishte mbytur në këtë lokacion.
Lidhur me rastin është njoftuar edhe prokurori i shtetit, i cili ka urdhëruar që të hapet rasti “Hetim mbi vdekjen”.
Me vendim të prokurorit, trupi i pajetë i 34-vjeçarit është dërguar në Institutin e Mjekësisë Ligjore (IML) për autopsi.
Sinjali – aty ku e vërteta flet para lajmit!
