Julian Alvarez mbetet një nga objektivat kryesorë të Barcelonës për repartin ofensiv, por klubi katalunas mund të heqë dorë nga transferimi i sulmuesit nëse nuk ka zhvillime konkrete gjatë kësaj jave.
Sipas El Partidazo de COPE, Barcelona është informuar se hapi i radhës duhet të jetë një takim mes drejtorit ekzekutiv të Atletico Madridit, Miguel Angel Gil Marin, dhe vetë Alvarez.
Në “Camp Nou” po presin të shohin nëse kjo bisedë do të ndryshojë qëndrimin e sulmuesit dhe do të hapë rrugën për një transferim.
Barcelona nuk ka vendosur një afat zyrtar, por brenda klubit ekziston bindja se nëse gjatë kësaj jave nuk ka përparim, atëherë ndjekja e Alvarez mund të braktiset.
Katalunasit janë në kërkim të një sulmuesi të ri, pasi Ferran Torres dhe Robert Lewandowski nuk bëjnë më pjesë në skuadër.
Drejtori sportiv Deco po punon për të gjetur një zëvendësues, ndërsa disa alternativa tashmë janë identifikuar.
Barcelona ka shqyrtuar edhe më herët disa emra, por në disa raste është përballur me kërkesa të larta financiare ose me refuzime.
Nëse Alvarez bëhet i paarritshëm, klubi do të duhet të përshpejtojë kërkimet për një tjetër sulmues, me merkaton që po hyn në një fazë vendimtare.
Sinjali – aty ku e vërteta flet para lajmit!
