Mëngjesin e sotëm, një banesë në lagjen ‘Bregu i diellit’ në Prishtinë është përfshirë nga zjarri.
Rasti ka ndodhur rreth orës 07:00, dhe menjëherë pas raportimit, njësitet e Policisë së Kosovës dhe zjarrfikësit kanë intervenuar në vendin e ngjarjes për të kontrolluar situatën dhe për të parandaluar përhapjen e zjarrit.
Zëdhënësi i Policisë për kryeqytetin, Enis Pllana, ka konfirmuar për Sinjalin se një person ka marrë tretman mjekësor si pasojë e incidentit.
“Sot rreth orës 07:00, kemi pranuar informatën për një incident zjarri në lagjen ‘Bregu i diellit’ në Prishtinë, ku nga zjarri është përfshirë një banesë. Policia dhe zjarrfikësit kanë dalë menjëherë në vendin e ngjarjes, kurse një person ka pranuar tretman mjekësor. Aktualisht policia dhe zjarrfikësit janë duke u marrë me rastin.”, tha Enis Pllana, zëdhënës i Policisë për kryeqytetin.
Sinjali – aty ku e vërteta flet para lajmit!
