Një zjarr ka shpërthyer mëngjesin e sotëm në parkimin shumëkatësh të Terminalit 3 në aeroportin Heathrow në Londër, pasi një automjet mori flakë papritur, raportojnë autoritetet britanike.
Pamjet nga vendi i ngjarjes tregojnë shtëllunga të mëdha tymi që përfshinë godinën dhe flakë që u përhapën me shpejtësi.
Sipas autoriteteve, alarmi i parë është dhënë në orën 09:03. Menjëherë pas njoftimit, katër automjete zjarrfikëse dhe rreth 25 zjarrfikës nga stacionet e Heathrow, Hayes dhe Feltham mbërritën në vendngjarje për të vënë nën kontroll flakët.
Për shkak të situatës, një pjesë e autostradës M4 në drejtim të jugut është mbyllur pranë aeroportit, ndërsa udhëtarëve iu bë thirrje të përdorin daljen J3 të M4 ose J14 të M25. Edhe disa linja autobusësh ndërprenë shërbimin drejt Heathrow, duke shkaktuar vonesa dhe konfuzion për pasagjerët.
Një zëdhënës i Heathrow tha se zjarri është vënë nën kontroll, por parkimi mbetet i mbyllur përkohësisht.
“Mëngjesin e sotëm, ekipet tona reaguan ndaj një zjarri në parkimin shumëkatësh të Terminalit 3. Zjarri u shua shpejt, por parkimi mbetet i mbyllur përkohësisht, gjë që mund të shkaktojë trafik në rrugët përreth. Të gjitha parkimet e tjera të aeroportit funksionojnë normalisht. Kërkojmë ndjesë pasagjerëve për shqetësimin e shkaktuar,” u shpreh ai.
🇬🇧 EXPLODING CAR SHUTS DOWN HEATHROW AIRPORT
An electric vehicle exploded in flames at Heathrow’s Terminal 3 car park, sending plumes of smoke across the airport.
The tunnel to Terminals 2 and 3 is now closed, buses are bailing out, and the 724 route is straight-up ghosting key… https://t.co/ZrtRYS5gIT pic.twitter.com/EUMRRA3x4b
— Mario Nawfal (@MarioNawfal) October 1, 2025
Sinjali – aty ku e vërteta flet para lajmit!