Më 12 tetor do të mbahen zgjedhjet lokale në Kosovë, mirëpo në komunat ku kandidatët nuk arrijnë të sigurojnë mbi 50 për qind të votave, do të zhvillohet balotazh.
Valmir Elezi, zëdhënësi i Komisionit Qendror të Zgjedhjeve, ka bërë të ditur për Sinjalin se rundi i dytë do të mbahet më 9 nëntor.
“Secili kryetar i komunës zgjidhet drejtpërdrejt nga votuesit e komunës, ku janë të regjistruar. Në fletëvotim, votuesi duhet të votojë vetëm njërin nga kandidatët për kryetar të komunës. Kandidati zgjidhet kryetar i komunës nëse fiton 50%, plus një votë të numrit të përgjithshëm të votave të vlefshme të hedhura në atë komunë. Nëse kjo nuk arrihet, atëherë pas katër javësh organizohet rundi i dytë mes dy kandidatëve, të cilët kanë fituar më së shumti vota të vlefshme. Kandidati, i cili fiton shumicën e votave në rrethin e dytë zgjidhet kryetar i komunës.”, ka thënë Elezi.
Sinjali – aty ku e vërteta flet para lajmit!