Presidenti ukrainas, Volodymir Zelenskyy po planifikon të udhëtojë në Washington të premten për një takim me presidentin amerikan, Donald Trump, sipas një burimi nga qeveria ukrainase.
Burimi tha Skynews, se data për këtë takim të drejtpërdrejtë u propozuar nga pala amerikane, transmeton klankosova.tv.
Takimi vjen pas njoftimit se Ukraina është dakorduar me Shtetet e Bashkuara për një marrëveshje të rëndësishme mbi mineralet.
Marrëveshja përcakton kushtet për krijimin e një fondi të ri për investime në mineralet, materialet e rralla dhe burimet e tjera natyrore të vlefshme të Ukrainës.
Marrëveshja tani nuk përmban kërkesën fillestare nga Shtetet e Bashkuara për të pasur të drejtën për të marrë deri në 500 miliardë dollarë (395 miliardë paund) nga të ardhurat e mundshme nga këto burime.
*Klikoni KËTU për t´u bërë pjesë e kanalit zyrtar të Klan Kosovës në Viber.
*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
<!–
–>
