Njësia e Komunikacionit Rrugor në Ferizaj, në rrugën transitore Davidovc-Belincë, në Shtime, ka ndaluar një veturë Golf me targa të huaja për kundërvajtje trafiku.
Gjatë kontrollit, është konstatuar se shoferi Q.Rr., i moshës 21 vjeçare po drejtonte automjetin Golf me shpejtësi prej 144 km/h në një zonë ku kufizimi i lejuar është 60 km/h.
“Shpejtësia është matur me radarin laserik.Për këtë kundërvajtje, ndaj shoferit janë shqiptuar këto masa: Gjobë në vlerë prej 300 € dhe masë mbrojtëse – ndalim i drejtimit të mjetit motorik për 3 muaj”.
“Policia Rajonale e Ferizajt do të vazhdojë me kontrolle të rregullta dhe aktivitete të intensifikuara me qëllim të rritjes së sigurisë në rrugë dhe respektimit të ligjeve të trafikut”, njofton policia, transmeton Klankosova.tv.
The post Voziti 144 km/h në zonën e lejuar me 60 km/h, gjobitet shoferi në Shtime me 300 euro appeared first on Klan Kosova.
