Presidentja e Komisionit Evropian, Ursula von der Leyen so do ta vizitojë Srebrenicën.
Gjatë qëndrimit në Bosnjë dhe Herecegovinë, shefja e KE-së do të marrë pjesë në Sarajevë në një takim me anëtarët e Presidencës së këtij vendi.
Të hënën, Von der Leyen vizitoi Shqipërinë dhe Malin e Zi.
Në Tiranë, ajo mori pjesë në Konferencën Rajonale të Investimeve për Ballkanin Perëndimor.
Integrimi, Von der Leyen: Shqipëria po ecën me shpejtësi rekord
Nga kryeqyteti shqiptar, zyrtarja e lartë evropiane tha se Shqipëria ka ecur me shpejtësi rekorde drejt integrimit evropian dhe gjithashtu shtoi se do të mbështesë vendin për mbylljen e negociatave brenda vitit 2027.
Të mërkurën në mëngjes, ajo do të jetë në Serbi ku do të zhvillojë një takim dypalësh me kryeministrin e këtij vendi, Gjuro Macut, dhe më pas me presidentin Aleksandar Vuçiq.
Gjatë turit të saj në vendet e Ballkanit, Von der Leyen po të mërkurën zbarkon në Kosovë.
Në Prishtinë, ajo do të takohet me presidenten Vjosa Osmani si dhe kryeministrin në detyrë, Albin Kurti.
Sipas agjendës zyrtare, presidentja e Komisionit Evropian nesër pasdite do të udhëtojë për në Shkup. Ajo do të zhvillojë një sërë takimesh dypalëshe me kryeministrin e Maqedonisë së Veriut, Hristijan Mickoski, me presidenten e Maqedonisë së Veriut, Gordana Siljanovska-Davkova, dhe me kryeparlamentarin, Afrim Gashi.
Udhëtimin e saj në rajon, Von der Leyen e përfundon me vizitën në Maqedoni të Veriut, njofton Klankosova.tv
The post Von der Leyen sot shkon në Srebrenicë, të mërkurën zbarkon në Kosovë appeared first on Klan Kosova.