Pas një periudhe të gjatë në spital, ka ndërruar jetë prifti Kristaq Viso, i cili u rrëzua nga çatia e Kishës së Shën Triadhës në Korçë më 19 maj, gjatë kryerjes së disa riparimeve.
Viso, prift në Kishën e Shën Thomait në fshatin Çiflig, kishte shkuar të ndihmonte priftin tjetër në riparimin e çatisë së Kishës së Shën Triadhës, kur humbi ekuilibrin dhe ra nga lartësia, duke pësuar dëmtime të rënda trupore në kokë dhe trup.
Pas incidentit, ai u dërgua me helikopter në spitalin e Traumës në Tiranë, ku iu nënshtrua trajtimit mjekësor intensiv, por për shkak të natyrës së rëndë të dëmtimeve, nuk mundi të mbijetonte.
Lajmin për ndarjen e tij nga jeta e ka bërë të ditur Mitropolia e Shenjtë Korçë përmes një postimi në Facebook.
“Sot fjeti më Zotin Ikonom Stavrofor Atë Kristaq Viso! Mitropolia e Shenjtë e Korçës i shpreh ngushëllime të përzemërta bashkëshortes, vajzave dhe të gjithë familjarëve dhe të afërmve! I lutemi Perëndisë, të cilit i shërbeu, që ta ndjejë dhe ta prehë shpirin e tij me shenjtorët në gjirin e Avrahamit në Mbretërinë e Qiejve! Qoftë e lumur udha në të cilën shkon ti sot, se të është përgatitur vendi i prehjes lart në qiell, parajsë të mbarë o vëllai ynë i lumur dhe i gjithmonë kujtuar!” thuhet në njoftimin e Mitropolisë së Korçës.
Prifti Kristaq Viso ka shërbyer për një kohë të gjatë si klerik në Kishën e Shën Thomait në fshatin Çiflig dhe ishte njohur për angazhimin e tij të palodhur në komunitet.
Sinjali – aty ku e vërteta flet para lajmit!
! function(f, b, e, v, n, t, s) {
if (f.fbq) return;
n = f.fbq = function() {
n.callMethod ?
n.callMethod.apply(n, arguments) : n.queue.push(arguments)
};
if (!f._fbq) f._fbq = n;
n.push = n;
n.loaded = !0;
n.version = ‘2.0’;
n.queue = [];
t = b.createElement(e);
t.async = !0;
t.src = v;
s = b.getElementsByTagName(e)[0];
s.parentNode.insertBefore(t, s)
}(window, document, ‘script’,
‘https://connect.facebook.net/en_US/fbevents.js’);
fbq(‘init’, ‘518751155614285’);
fbq(‘track’, ‘PageView’);
