Ushtarët inxhinierë finlandezë, të caktuar në Komandën Rajonale Lindore të misionit të KFOR-it të udhëhequr nga NATO-ja, realizuan një patrullë rutinore në veri të Kosovës për të analizuar kushtet aktuale të rrugëve dhe urave.
Siç bëhet e ditur në një njoftim të KFOR-it, këto përpjekje janë pjesë e misionit të përditshëm të këtij misioni për të garantuar një mjedis të sigurt dhe të sigurt për të gjitha komunitetet që jetojnë në Kosovë.
Misioni i NATO-s në Kosovë, thotë se vazhdon të zbatojë mandatin e tij, bazuar në Rezolutën 1244 të Këshillit të Sigurimit të OKB-së të vitit 1999, për të kontribuar në krijimin e një mjedisi të sigurt për të gjithë njerëzit dhe komunitetet që jetojnë në Kosovë dhe lirinë e lëvizjes, në çdo kohë dhe në mënyrë të paanshme.
“KFOR-i punon në koordinim të ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë (EULEX) në rolet e tyre përkatëse si reagues të sigurisë”, theksohet mes tjerash në njoftim, transmeton Klankosova.tv.
*Klikoni KËTU për t´u bërë pjesë e kanalit zyrtar të Klan Kosovës në Viber.
*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
<!–
–>
