Kandidati për kryetar të Prishtinës, Uran Ismaili, sot është takuar me përfaqësues të shoqatës së taksistëve të kryeqytetit.
Ai është zotuar për rregullimin e vendparkimeve për taksi, ndalimin e taksive ilegale dhe atyre që operojnë nga qytete të tjera, si dhe për zhbllokimin e trafikut brenda 18 muajsh përmes vendosjes së 60 semaforëve të rinj dhe krijimit të një qendre moderne për menaxhimin e trafikut.
Ismaili tha se taksistët janë pjesë e rëndësishme e jetës së përditshme të qytetarëve, ndaj qeverisja e tij do të garantojë kushte më të rregulluara dhe funksionale për punën e tyre, në mënyrë që shërbimi ndaj qytetarëve të jetë më i sigurt dhe më cilësor.