Inteligjenca ushtarake e Ukrainës ka kryer një sulm ndaj logjistikës hekurudhore ruse, duke shkaktuar një shpërthim të fuqishëm në stacionin hekurudhor të qytetit Tver.
Sipas raportimeve, një mjet shpërthyes ishte vendosur nën cisternat që transportonin karburant, dhe shpërthimi përfshiu në flakë hapësirën e stacionit brenda pak sekondash. Zjarri shkaktoi dëme të konsiderueshme materiale dhe pengoi ndjeshëm transportin e furnizimeve në këtë zonë strategjike.
Operacioni, i cili konsiderohet një nga më të goditurit e javëve të fundit, demonstron aftësinë dhe vendosmërinë e inteligjencës ushtarake të Ukrainës për të goditur objektiva kyçe të armikut, në kuadër të përpjekjeve për të ndryshuar rrjedhën e konfliktit.
Ky sulm në Tver është pjesë e një serie veprimesh të koordinuara që synojnë infrastrukturën kritike ruse, duke shtuar presionin ndaj trupave të Moskës në vijën e frontit.
Që nga fillimi i pushtimit rus në shkurt të vitit 2022, goditja e infrastrukturës logjistike është kthyer në një strategji të rëndësishme në përpjekjet për të ngadalësuar operacionet e kundërshtarit.
Sinjali – aty ku e vërteta flet para lajmit!