Personi që dyshohet se i vuri flakën lokalit “Water Boutique” në rrugën “Lidhja e Pejës” në Prishtinë ka rënë në pranga.
Gazeta Sinjali mëson ekskluzivisht se bëhet fjalë për Ndriqim Krasniqin (1997), i cili u identifikua dhe arrestua nga njësitet hetimore pas hetimeve intensive.
Ngjarja ndodhi mbrëmjen e 22 prillit 2025, rreth orës 20:00, kur pronari i lokalit, Gani Balaj, kishte raportuar në Policinë e Prishtinës se persona të panjohur i kishin vënë zjarr biznesit të tij.
Fatmirësisht nuk pati të lënduar, por dëmet materiale të shkaktuara kapin shumën prej rreth 20 mijë euro. Incidenti tronditi komunitetin e biznesit në zonë dhe u regjistrua si rast i “Zjarrvënies së qëllimshme”.
Pas mbledhjes së dëshmive dhe analizës së provave, më 23 prill hetuesit arritën të identifikojnë Ndriqim Krasniqin si të dyshuarin kryesor, duke siguruar prezencën e tij për intervistim. Më pas, me vendim të Prokurorit të çështjes, ai është ndaluar dhe dërguar në qendrën e mbajtjes.
Rasti po trajtohet me prioritet nga autoritetet hetimore për të zbardhur motivet që çuan në aktin e zjarrvënies.
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.
! function(f, b, e, v, n, t, s) {
if (f.fbq) return;
n = f.fbq = function() {
n.callMethod ?
n.callMethod.apply(n, arguments) : n.queue.push(arguments)
};
if (!f._fbq) f._fbq = n;
n.push = n;
n.loaded = !0;
n.version = ‘2.0’;
n.queue = [];
t = b.createElement(e);
t.async = !0;
t.src = v;
s = b.getElementsByTagName(e)[0];
s.parentNode.insertBefore(t, s)
}(window, document, ‘script’,
‘https://connect.facebook.net/en_US/fbevents.js’);
fbq(‘init’, ‘518751155614285’);
fbq(‘track’, ‘PageView’);
