Një ngjarje e pazakontë është regjistruar në qendër të Tiranës, ku disa turistë janë filmuar duke kryer veprime fyese pranë bustit të heroit kombëtar, Gjergj Kastrioti Skënderbeu.
Pamjet kanë ngjallur indinjatë dhe kanë hapur diskutime mbi mënyrën se si duhet të mbrohen monumentet historike nga përdhosje të tilla.
Në emisionin “Kosova Today” në Klan Kosova, analistët Sazan Guri dhe Naim Flamuri kanë komentuar incidentin.
Flamuri e cilësoi sjelljen e turistëve si keqpërdorim të mikpritjes shqiptare.
“E keqpërdorën mikpritjen shqiptare, atë zakonin e shtëpisë. Huliganët si huliganë e gjetën pikërisht bustin kulmor të Skënderbeut për të bërë urinimin, striptizmin dhe ato provokime, që për fatin tonë të mirë, por edhe të keq, ne i njohim si sjellje huligane”, tha ai.
Ndërsa Sazan Guri ngriti dyshime se pas kësaj ngjarjeje mund të fshihen motive të qëllimshme.
“Unë mendoj se kjo është një projekt i stisur. Pavarësisht se me sllavët e jugut kemi pasur gjithmonë probleme, me Çeki apo Poloni jo, por këtyre u dhamë emrin Mirosllav. Pra, kjo sjellje nuk është e rastësishme”, tha Guri./Klankosova.tv
Ndiqni diskutimin e plotë, në videon vijuese:
The post Turistët përdhosin bustin e Skënderbeut në qendër të Tiranës (VIDEO) appeared first on Klan Kosova.