Presidenti amerikan Donald Trump ka reaguar me tone të ashpra ndaj presidentit aktual Joe Biden, pas njoftimit se ky i fundit është diagnostikuar me kancer të prostatës në fazën e katërt.
Gjatë një konference për media të mbajtur në Zyrën Ovale, në praninë e miliarderit Elon Musk, Trump tha se nuk ndien aspak keqardhje për rivalin e tij politik, duke e cilësuar atë si “njeri të lig”.
“Nëse ju vjen keq për të, mos u ndjeni keq. Ai ka lënduar shumë njerëz. Sinqerisht, nuk më vjen aspak keq për të”, deklaroi Trump.
Ai vazhdoi më tej me kritika personale ndaj presidentit demokrat, duke shtuar:
“Ai ka qenë gjatë gjithë jetës një njeri jo shumë i zgjuar, por me tendenca ligësie”.
Lajmi për diagnozën e Biden u bë publik javën e kaluar, kur ai njoftoi se ishte prekur nga një formë agresive e kancerit të prostatës. Megjithatë, ai u shpreh i qetë dhe optimist për trajtimin e sëmundjes.
“Prognoza është e mirë”, deklaroi Biden, duke shtuar se pret ta mposht këtë sfidë shëndetësore.
Por komentet e Trump vijnë në një moment kur pjesëtarë të Partisë Republikane kanë shprehur dyshime lidhur me kohën dhe mënyrën e njoftimit për gjendjen shëndetësore të presidentit Biden. Trump tha se ishte “i befasuar” që lajmi nuk ishte bërë publik më herët dhe iu bashkua akuzave se diagnoza ishte mbajtur e fshehtë.
“Ishte surprizuese që nuk u mësua më herët,” tha ai, duke i shtuar zërin kritikëve për mungesë transparence në këtë rast.
Nga ana tjetër, Shtëpia e Bardhë i ka hedhur poshtë këto akuza. Zëdhënësi Chris Meagher ka deklaruar se diagnoza e presidentit Biden u bë publike më 18 maj dhe se nuk ka pasur asnjë qëllim për ta mbajtur atë të fshehtë.
“Biden nuk kishte më parë një histori të tillë mjekësore. Testet rutinë nuk kishin treguar shenja të kancerit në vitet e mëparshme”, tha Meagher.
Sinjali – aty ku e vërteta flet para lajmit!
! function(f, b, e, v, n, t, s) {
if (f.fbq) return;
n = f.fbq = function() {
n.callMethod ?
n.callMethod.apply(n, arguments) : n.queue.push(arguments)
};
if (!f._fbq) f._fbq = n;
n.push = n;
n.loaded = !0;
n.version = ‘2.0’;
n.queue = [];
t = b.createElement(e);
t.async = !0;
t.src = v;
s = b.getElementsByTagName(e)[0];
s.parentNode.insertBefore(t, s)
}(window, document, ‘script’,
‘https://connect.facebook.net/en_US/fbevents.js’);
fbq(‘init’, ‘518751155614285’);
fbq(‘track’, ‘PageView’);
